މުސްރިފު

ދުނިޔޭގެ ތެލުގެ 150 ޑޮލަރަށް އަރާ މަސްވެރިންނަށް މަހަށް ނުފުރި ސްޓެލްކޯއަށް ދުވާލަކު 2 މިލިއަން ރުފިޔާ ގެއްލުންވެ، ރަށްފުށުގެ ރަޢްޔިތުން އަނދިރި ޙާލަތުގައި އުޅުއްވާ އިރުވެސް އިސްރާފުލް އަކްބަރު މައުމޫނު ޢަބުދުލް ޤައްޔޫމަށް ކަހާތަން ހިރުވާހެންވެސް ހީއެއް ނުވެއެވެ.

މިދިޔަ ހޮނިހިރުވިލޭރޭ ހަމަ އޭގެ ކުރީ ހަފުތާ ބަންދެކޭވެސް އެއްފަދައިން އަނބިކަނބަލުން ނަސްރީނާ މަހަށް ވަޑައިގެންނެވިއެވެ. މިފަހަރު މަހަށް ވަޑައިގެންނެވީ ކަނޑުއޮށްގިރި ކައިރިއަށެވެ. ފުރަތަމަ އެތަނަށް އައީ މާލެއިން އައި އެމް.އެން.ޑީ.އެފް ގެ ލޯންޗެކެވެ. ސަރަޙައްދުގައި ވަށައިގެން ދުއްވާފައި އަންގާލި އަންގާލުމަކަށް ދެން އައީ ރިޔާސީ ގަނޑުވަރުން އައި ދެ ލޯންޗާއި އެއާއެކު އައި ސިކިއުރިޓީ ލޯންޗެކެވެ. އިރުކޮޅަކުން އާރަށުން އެދިމާލަށް ޝާހީ ބޭފުޅުންނާއެކު ރަސްމީ ޢިއްޒަތުގައި ސެކިއުރިޓީ ދެ ލޯންޗާއެކު ލޯންޗެއް އައެވެ. އިސާހިތަކު އާރަށުން އައި ލޯންޗުން މަސްވެރިކަމުގެ ޙަރަކާތްތައް ފައްޓަވާއިފިއެވެ.

މިހުރިހާ ކަމެއް ހިނގަމުން ދިޔައިރު އެ ސަރަޙައްދެއް އެއްވެސް އުޅަނދެއް އަޔަނުދިނުމަށްޓަކައި ކޯސްޓްގާޑުގެ ލޯންޗެއް ވަށާ ބުރުޖަހަމުން ދިޔައެވެ. މަންޒަރު ދުށް ދިވެއްސަކު ހައިރާންވެ އަންތަރީސްވެގެން މިލިޔުންތެރިޔާއަށް ފޯނުންގުޅާ ކިޔާދިނުމުން އަޅުގަނޑު ދިން ނަޞޭޙަތަކީ ކަލޭތީ ނަޞީބުވެރިއެއްކަން ކަލޭ ދަންނާށެވެ. އެހެނީ ކަލެއަށް ތިޔަފެނުނީ ތިޔަކަހަލަ އެންމެ މަންޒަރެއް ނޫންހެއްޔެވެ. އެހެނީ ތިޔަފަދަ އިސްރާފު ކުރުމަކީ މިސަރުކާރުގެ ކަށީގައި ހިފާފައިވާ ކަމަކަށްވާތީއެވެ. އަދި ދިވެހި ކަނޑުން ވަގަށް މަސްވެރިކަން ކުރާ ބޭރުގެ ފަރާތްތައް ފަހާލުމަށް ތެޔޮ އެންދުމުގެ ބަދަލުގައި ބައިތުލް މާލުން ޚަރަދުކޮށްގެން އިސްރާފުލް އަކްބަރާއި އޭނާގެ ޢާއިލާގެ ބޭފުޅުން އެތައް ލޯންޗަކާއެކު މަސްވެރިކަން ކުރުމަކީ ދިވެހިން ހުކުރު ކުރާހެން ކޮންމެހަފުތާއަކު ކުރައްވާކަމެކެވެ.

Related Posts